Kryeqyteti i Pakistanit ndalon Ditën e Shën Valentinit

15:20 | 13 Shkurt 2017
Arbresh.info

Një gjykatë në Pakistan ka ndaluar festimin publik të Ditës së Shën Valentinit në kryeqytet, Islamabad, me arsyetimin se nuk është pjesë e kulturës myslimane.

Gjykata Supreme e Islamabadit urdhëron ndalimin e festimeve të Ditës së Shën Valentinit në zyrat e qeverisë dhe hapësirat publike me efekt të menjëhershëm, transmeton portali arbresh.info.

Gjithashtu kërkohet nga mediat të mos nxisin apo mbulojnë ngjarjet e Shën Valentinit.

Urdhrat janë përgjigje e peticionit privat ku thuhet se Dita e Shën Valentinit është në kundërshtim me mësimet islamike.

Sipas gazetës Dawn, peticioni argumenton se festivali promovon imoralitet, lakuriqësi nën mbulesën e përhapjes së dashurisë.

Dita e Shën Valentinit është rritur në popullaritet në shumë qytete të Pakistanit gjatë dekadës së kaluar, por disa grupe fetare e kanë denoncuar si dekadente./Arbresh.info